TURA: Garo Hills-o skanggipa me·chikrangni college, chong·motan Tura Christian Girls’ Higher Secondary School-ni bak ong·enggipa Miriam Russel Women’s College-ko kulina gita Sukrobar salo, a·dokni Chief Minister Conrad K Sangma-ni jakchi pangchakaniko songe on·angaha.
Ia college-ko rikna gita pangchakaniko songe on·anganio North Tura-ni MLA Thomas A Sangma, Selsella-ni MLA FCA Sangma, West Garo Hills a·jani Deputy Commissioner Swapnil Tembe, A·chik Baptist Dal·gipa Krima (ABDK)-ni dilgiparang, Christian Girls HS School-ni skigiparang aro chatrirangba dongpae bak ra·angaha.
International Youth Day-ni salo ia college-ko skulna aro skulni chatrirangna pakwate on·angengon, ia Christian Girls HS School-ara chengonin Garo Hills-ni manderangna aro mongsongbate me·chik bi·sarangna namgipa lekka porako on·bagipa institute ong·e da·o ia college-ko kulidapanichi a·dokna aro a·dokni manderangna nambate dangdike on·angna man·gnok ine Chief Minister parakataha.
Christian Girls School-ko Tura-o kulichengaoni bilsi 100 gapahachim ine nikna man·a.
Garo Hills-o skanggipa me·chikrangni college-ko kulina pangchakaniko songa
Date:
Share post:
