BJP-ni state president-ko ra·galna miksonganirang dongja: Chuba Ao

SHILLONG: Meghalaya a·dokni BJP dol ning·o ru·uta bilsirangonin meligrikgijanirang ong·engon, ia meligrikgijanirangko namatna gitasa ua kamko ka·enga aro darangni kosakoba ja·kuko de·na miksonganirang dongja ine Budbar salo BJP-ni national vice president aro Meghalaya-ni in-charge M Chuba Ao parakataha.

Iani bidingo kobor ra·timgiparang baksa agangrikengon, Meghalaya a·doko BJP dolko bilakbatatna gitasa miksonge ua kamrangko ka·enga aro darangni kosakoba ong·gija dake miksongani gnang ja·kuko de·a ong·jaenga ine Ao parakataha.

“Anga BJP-ni state president-ko ra·galna aro uni biapo gipinko donskana miksonganirang dongja,” ine Ao aganaha.

State president-ni kosako ua changni chang badi ka·anirangko man·soahaoba ua uamangni gisepo meli nangrimaniko ra·bana aro BJP dolni ning·o ku·mong nangrimaniko ra·bana gitasa kamko ka·ahachim ineba Ao aganaha.

“Dolni ning·o maiba meligrikgijani aro ma·sisretgrikanirang donggenchimoba anga media-rangona re·ange jinmana parakaigija BJP-ni dongimin niamrangkosa ja·rikna jotton ka·rongaha. Iandake kamrangko ka·ani gisepon dolni ning·o meligrikgijanirangkode nikna man·aia,” ine Meghalaya a·dokko nirokenggipa BJP-ni dilgipa aganaha.

Re·baenggipa 2023 bilsini Assembly election-o Ernest Mawrie-ni West Shillong constituency-oni susana sienggipani bidingo janapatengon, West Shillong constituency-o ua chena man·aigen ine Ao, ia constituency-onin an·tangko Legislative Assembly-ni membor ine bimingko segatchina ku·pattiataha.

Get real time updates directly on your device, subscribe now.

Comments are closed.