SHILLONG: Chief Secretary DP Wahlang, senior aro junior Meghalaya Civil Service (MCS) officer-rangko da·o gital chasongni kri digitization-ko ja·rikna an·tangtangko skitaitaie ra·china agan-ku·pattiangaha.
Shillong State Convention Centre-o Sukrobar salo ong·atgipa Meghalaya Civil Services Officers’ Association (MCSOA) 2022-ni Annual Conference-o chief guest ong·e bak ra·angao Chief Secretary Wahlang, ia kattarangko aganataha.
Uandake Wahlang, officer-rangko public ba jinma manderangni neng·nikarangko u·ichake kam ka·china didiangaha. Aro public ba jinma manderangna gisik ka·chakani donge an·tangtangni bilko jakkale kam ka·china didiangaha.
Iarangna agreba Chief Secretary, mongsongbate junior officer-rangko financial planning-ni gamchate ra·china agan-ku·pattiangaha, jedakode retire ba kamoni neng·tangka ja·man saving ba chimonga dongode altue janggi tangna man·gen ine aganangaha. Aro officer-rangko be·en-bimang tik ong·e rakkie aro an·seng-baljokanio simsakchina didiangaha. Tom·anio a·dokni dingtang dingtang bakrangoni MCS officer-rang bak ra·angtokaha.
Chief Secy, MCS officer-rangko public-na dangdike on·china didianga
Date:
Share post:
