Tura-o BJP-ni state prez, BJP-ni dilgiparang baksa tom·a

TURA: Sombar salo, Bharatiya Janata Party (BJP) Meghalaya-ni state president Ernest Mawrie, Tura-ona re·baenba, Garo Hills gimikni BJP-ko dilgiparang aro BJP-na kam ka·enggipa manderang baksa BJP-ni regional office-o tom·aniko ong·atangaha.
Ia tom·anio Garo Hills gimikoni sak 300-mangni gita BJP-na kam ka·enggipa manderang bakko ra·angaha aro tom·anio BJP Kisan Morcha-ni national executive member Charles M Sangma, state executive member Edmund K Sangma, Chokpot-ni gitcham MLA Bluebell R Sangma aro gipin dilgiparangba dongpae bak ra·angaha.
Ia tom·ani ja·man, BJP-ni state president Ernest Mawrie, Garo Hills-o donggipa Mahila Morcha aro Yuva Morcha-ni dilgiparangko man·chape, district in-charge-rang, district president-rang aro morcha-ni dilgiparangkoba gronge agangrikangaha.
Uni Tura-ona re·baanio ua BJP-ni gital member-rangkoba BJP-ona rimchaksoangaha.
Re·baenggipa 2023 bilsio Meghalaya Legislative Assembly election-ko ong·atna siengahani gimin Garo Hills-o BJP-ko bilakbatatna gita ua Garo Hills-ona re·bae BJP-ni dilgiparangko aro BJP-na kam ka·giparangko grongangaha.