SHILLONG: Koboro parakatani gitade, ma·mong sorkari aro a·dok sorkari baksa tom·tomanina golpogrikna gita, Shillongo donggipa sak 5 HNLC-ni membor-rang, Bangladesh a·songchina re·angpilaha.
HNLC-na agantimgipa, Sadon Blah-ni Sonibar salni bako aganani gitade, skanggipa golpoanirangode namen namengchim aro maming neng·nikanirangko man·jachim.
Batanggimin salrango, HNLC-ni membor, Home Ministry-ni official-rang, a·dok sorkarina agantimgipa aro HNLC-na agantimgipa changgnina, Shillongo tom·e golpoaniko dakaha.
Sadon Blah-ni aganani gitade, Shillong-o donggipa HNLC-ni membor-rang bon·kame agangrikanio bakko ra·jawaha, indiba HNLC-ni CEC bon·kame bakko ra·anggen.
Skanggipa tom·e golpoanio, HNLC-ni Shillong-ona re·bagipa sakgipin membor-rang maming obostao ga·akgija tom·tome dongna man·a gita chelchakgipa dolrangko on·china aganangaha.
Political issuse-ni gimin singaniko dakon, da·o dipetde ge 3 political party-rang maming dakna nanganikoba agankuja, ine Blah aganangaha.
”Da·o dipetde maming neng·nikanirangko man·kuja aro gimikan namainga,” ine Blah aganangaha.
Hynniewtrep National Liberation Council (HNLC)-ni sakbonga dal·batgipa sipairang, Shillong-ona ma·mong sorkari aro a·dok sorkari baksa tom·tomanina golpogrikna gita re·baaha.
Indake bobil dolni, vice chairman Manbhalang Jyrwa, political secretary Aristerwell Thongni, foreign secretary Phrangkupar Diengdoh aro uko chelchakna gita ja·rikgipa officer, Aiborlem Marbaniang aro Storgy Lyngdoh mang, August 5 tariko skotong songjinmaona sokbaaha.
Bangladesh-o donggipa, HNLC bobil dolni manderangna ma·mong sorkari aro a·dok sorkari a·dokona re·bana gita chelchakanirangko on·aha aro changgittamna Dkhar aro bobil dolni manderang baksa agangrikaniko dakaha.
Shillong-ona sorkari baksa golona re·bagipa, HNLC-ni manderang, Bangladesh-ona re·angpila
Date:
Share post:
