TURA: Krishi Vigyan Kendra, ICAR, West Garo Hills, Meghalaya, Sonibar sal September 17 tariko ‘National Campaign on Poshan Abhiyan’-ko ong·ataha. College of Community Science, CAU, Tura-ni Dean Dr. Jyoti Vastrad, chief guest ong·e bak ra·angaha. Aro gitcham DDG(Agril Extension), ICAR, New Delhi-ni Dr. P. Das, BCKV West Bengal-ni gitcham VC Dr. M.M. Adhikary, – uamangba mongsonggipa sokachakgiparang ong·e tom·anio bak ra·angaha.
West Garo Hills-ni ICDS, DPO Mr. Chongseng Aregh, sak 20 Anganwadi worker-rang baksa programme-o bak ra·angaha. Indake programme-o ming 100 me·su-samjakrangni bitchilni packet-rangko IFFCO, suale on·aha, una agreba programme-o bak ra·giparangna bol bipangkoba sualangaha. Indake ong·engon chief guest, Nutri-garden-ni gamchatani gimin aganprakangaha.
Iarangni gisepon ma·mongni Agriculture Minister Shri N.S Tomar-ni video-ko mesokataha. Programme-o chu·gimik sak 65 participant-rang sak 20 Anganwadi worker-rangko man·gope bak ra·angaha.
