Baghmara: Garo Hills-o education-ni obosta baditan namjaenga iako changsatai nikna man·aha. Ge·gipin school-o batanggimin bilsi gittamoni teacher ba skigipa dongjaenga.
South Garo Hills Baghmara C&RD Block-ni ning·o ga·akgipa Mongmabel songni school-o skigipa dongjaenga. Uan sorkarini LP school ong·a, bilsi gittam skang sepangjolgipa song Mindikgre-oni Sengram N Sangma-ko teacher-na rim·ahachim.
Sengran-ko school-ona re·angjani gimin jolni manderang bang·a agantokaha.
“Batanggimin bilsi 3 somoirangoni schoolni skigipa changsamangba class-kon ra·a dongja, jeni a·sel songoni sak 80 poraigiparang, maming education-ko man·jaenga, ine Mongmabel-ni saksa aganaha.
Indake songni manderang a·dok sorkari aro education department-ko ia mamlako nirokatchina mol·molataha.
Indake ong·enogn ia mamlako talbatna SHG-ni SDSEO KK Paul baksa agangrikataon, ‘ia mamlako ta·raken sandigen aro duty-na simsakgijagipa teacher-ni kosako ja·kku de·gen ine aganataha.”
