TURA: India a·songni jakgitelaniko man·aoni bilsi 75 gapaniko maniani bak gita Integrated Communication & Outreach Program (ICOP) baksana ‘Azadi ka Amrit Mahotsav, Seva Sushasan-ni bilsi chet gapani aro Garib Kalyan’-ni bidingo Photo Exhibition-ko mijal Mongolbar salo, Tura Dakkopgre-o donggipa SMELC Building-o ong·atangaha.
Ia program-ko Information & Broadcasting Ministry, Central Bureau of Communication, Tura Field Office-ni gita da·al September 28 tariko ong·atengani gimin gisiko nanggipa manderangde ia exhibition-ko re·ange niena gita man·gen ine u·iataha.
Ia program-ko ong·atanio West Garo Hills a·jani Additional Superintendent of Police (ASP) Vikash Kumar, mongsonggipa sokgipa ong·e jinmana aganprakangengon, a·songni jakgitelanina an·tangtangko on·kange kam ka·anggipa pagitchamrangni gimin aro uamangni kamrangni gimin gisik ra·atpilaniko on·angaha.
A·songni gimin bang·bate skie ra·china aro mikkangchi an·tangtangni man·a gita a·songni namroro silroroanina on·giltokchina gita ua chatro chatrirangkoba didiangaha.
Pekatgipa bosturangoni chel·e dongchina, ripengrangko baseanio simsakgiparang ong·china, namgipa dakbewalrangko ranta ka·china aro an·tangtangna janggi tangani cholrangko name sandichina gitaba Kumar, chatro chatrirangko didiangaha.
Ia program-ko ong·atanio, noksa salsusaani, rong nongsusaani aro quiz competition-o chegiparangnaba ua boksisrangko suale on·angaha.
Ia program-ko ong·atanio dongpae jinmana aganprakanggipa gipin manderangara, West Garo Hills MBDA-ni District Program Manager V Valentine Hembron, Tura Field Office-ni Field Publicity Assistant Haihungbe Mpame, Tura Kendriya Vidyalaya-ni Principal Rahul Tiwari aro gipinrang ong·a.
Azadi ka Amrit Mahotsav-ni bak gita Tura-o Photo Exhibition-ko ong·ata
Date:
Share post:
