SHILLONG: Air Marshal SP Dharkar, AVSM, October 1 tariko 2022-oni Air Officer Commanding-in Chief-ni kamko jako ra·aha.
Kam sapgipa fighter pilot SP Dharkar, Rashtriya Military College Dehradun, National Defence Academy Pune, Defence Services Staff College, Wellintong aro Air War College USA-o poraibagipa ong·a. Bilsi 1985 June jao Qualified Flying Instructor, Fighter Strike Leader aro Instrument Rating Instructor ong·e kamo napchengaha.
Uni career-o dingtang dingtang department-rango dangdike on·aha. Air Headquaters aro Air Defence Commander at Headquater Eastern Air Command-oba ua Assistant Chief -oni Air Staff (Training) ong·e dangdike on·aha. Da·o una on·gipa kamko jako ra·na skang Dharkar, Senior Air Staff Officer at Headquater South Western Air Command, Gandhinagar-o dangdike on·baaha. Air Marshal Dharkar, Air Marshal DK Patnaik AVSM, VM-ni palo uni kamko jako ra·rikskaha. Air Marshal Patnaik, IAF-o bilsi 38-na dangdike on·e September 30 tariko kamoni neng·takaha.
