Friday, July 18, 2025
spot_img

Gnigipa Me·gong Festival-ko Dec 1-oni 3 tarikona ong·atanggen

Date:

Share post:

spot_imgspot_img

TURA: Re·anggipa 2021 bilsio a·bachengatgipa Me·gong Festival-ko ia bilsioba gnigipa changna ong·atenga indiba ia chango ia Me·gong Festival-ko Tura-oni kilometre 32-mang chel·ao donggipa Jengjal-ni Baljek Airport-o ong·atangskagen ine official-rang u·iataha.

Ia Me·gong Festival-ko re·anggipa bilsio skanggipa changna Babadam songo ong·atahachim aro ia festival ba manianiko ong·atanio Meghalaya a·dokonisan ong·aigija, Assam, Manipur, Sikkim aro Arunachal Pradesh a·dokrangoniba dingtang dingtang dolrang re·bae bakko ra·angtokahachim.

Ia Me·gong Festival-ko ong·atanio dingtang dingtang jatni daka rikanirang baksana chrok mesaanirang, git ring·anirang, cha·ani ringanirang aro dingtang dingtang jatni ganding chindingrangko dakmesokanirangkoba nikangna gita man·ahachim.
Re·anggipa bilsio Bollywood-ni mingsinggipa actress Shenaz Treasurywala-ba ia Me·gong Festival-ona re·bae bakko ra·angahachim aro A·chikrangni ganding chindingrangko gane mesokangahachim.

Ia changode Denmark a·songni mingsinggipa soft rock aro pop rock band ‘Michael Learns To Rock’ dol, ia Me·gong Festival-ona re·baskana sienga aro ianona re·bae gitrangko ring·e mesokangskana sienga.

Re·anggipa bilsio ia Me·gong Festival-ona bang·bea manderangni sokbaaniko nike, ia festival-na kamrangko ka·sona aro biaprangko tarisamsona gita re·anggipa Sombar salo dingtangmancha West Garo Hills a·jani Deputy Commissioner Swapnil Tembe, dingtang dingtang department-ni officer-rang aro ia festival-ko sokachakanio bak ong·enggipa dingtang dingtang dolrang baksa tom·e chanchirimangaha.

Ia Me·gong Festival-ko salgittamna ong·atanio gari gorarangko watani, chirangko aro bijolirangko tarisoani, garirangko donani aro uandakgipa dingtang dingtang kamrangni gimin ia tom·anio chanchirimangaha.

spot_imgspot_img

Related articles

Golden Temple bomb threat: Unemployed software engineer detained

Amritsar, July 18: Punjab Police on Friday claimed to have detained an unemployed software engineer for his alleged...

Nimisha Priya’s execution: SC asks Centre to decide on granting travel permission to Yemen for negotiations

New Delhi, July 18: The Supreme Court on Friday asked the Centre to decide on a representation seeking...

PM Modi announces Rs 15,000 incentive for first-time private sector employees at Motihari rally

Patna, July 18: Prime Minister Narendra Modi, during his visit to Bihar on Friday, inaugurated and laid the...

SC refuses to stay trial against Lalu Prasad in land-for-job case

New Delhi, July 18: The Supreme Court on Friday refused to entertain a plea filed by Rashtriya Janata...