TURA: Re·anggipa Mongolbar salo, India sorkarini MSME Ministry-ni ning·o donggipa MSME-DFO Tura Branch aro Tura NEHU-ni ning·o donggipa BIRAC BioNESTBioincubator (B3I) Facility nangrimenba ‘Idea Presentation Seminar’-ko North Eastern Hill University (NEHU) Tura campus-o ong·atangaha aro ia seminar-ko ong·atanio NEHU Tura campus-ni ning·o donggipa dingtang dingtang department-ni chatro chatrirang, research scholar-rang aro skigiparangba dongpae bakko ra·angaha.
Ia program-ko ong·atanio Rural Development & Agricultural Production Department (RDAP)-ni Head aro BioNESTBioincubatorFacility NEHU Tura campus-ni Project Investigator Dr BK Mishra, program-o bak ra·giparangna rimchaksoani kattarangko aganangaha aro NEHU Tura campus-na India sorkarini ning·o donggipa Micro, Small & Medium Enterprises Ministry-ni Host Institute status on·aniko jinmana parakatjolaha.
Ia seminar-ko ong·atanio agan-talate on·anggipa gipin manderangara, MSME-DFO Branch-ni Assistant Director Nilesh Trivedi, NEHU Tura Campus-ni Campus-in-Charge Prof Sujata Gurudev, BioNEST Facility-ni Chief Executive Officer Dr Suman Kumar Nandy aro NEHU Tura Campus-ni ning·o donggipa Horticulture Department-ni Assistant Professor Dr Arindam Barman ong·a.
