WILLIAMNAGAR: East Garo Hills a·jani Nengkhra songo, Eklavya Model Residential School-ko rikna gita bilsibrina skangan pangchakaniko songe on·ahaoba da·alonan ia skulni bimang pil·aniko nikna man·kujaenga ine Sukrobar salo, Nengkhra jolni FKJGP, GSMC aro AHAM dolrang matnangataha.
Ia dolgittam NGO-rangni parakatani gitade, Nengkhra-o ia Eklavya Model Residential School-ko rikna gita 2019 bilsini March 5 tarikon Williamnagar-ni da·o MLA ong·enggipa Marcuise N Marak, pangchakaniko songe on·ahachim indiba ia skulna pangchakaniko songaoni da·o bilsibri ong·na sipilengahaoba ia skulni bimang ong·aniko nikna man·kujaengachim.
“Maini a·sel da·alona kingkingan ia skulko rikna a·bachengkujaenga chinga ma·sina sikenga. Ian MLA-ni manderangko tol·na jotton ka·anisa ong·ama, ma skul rikna chame on·gipa tangka paisarangan saniba pocket-ona napangahama?” ine Nengkhra jolni dolgittam NGO-rang sing·doataha.
EGH-o bilsi 4-na skang pangchakaniko songgipa skul be·en pil·chipkuja
Date:
Share post:
