Shillong: Meghalaya State Rural Livelihoods Society, Block Mission Management Unit (BMMU) Mawryngkneng, East Khasi Hills District, Sonibar salo Smit song, East Khasi Hills District-o ‘SHG Mela’-ko ong·atah, jeon Agriculture and Farmer’s Welfare Minister Shri Banteidor Lyngdoh, chief guest ong·e bak ra·angaha. Shri Lambor Malngiang, jolni MLA & MDC-ba bak ra·aha.
Programme-o bakko ra·e aganprakataon Shri Banteidor Lyngdoh, SHGs-o bang·bate me·chikrang bak ra·engani gimin kusi ong·aniko parakataha. Indake SHGs-ko apsan ong·e songsalni namgnina aro economy-ko ra·dona kam ka·angna didiangaha. Aro jako man·soenggipa tangka-paisarangko sim-sake jakkalchina mol·-molataha.
Uandake ia Mela-ko ong·atani miksonganiara SHG-rangna uamangni changa-sapaniko mesokat-na cholko on·na ong·ataha, ine Shri Lyngdoh aga-nangaha.
Iarangna agreba chief guest aro guest of honour ong·e bak ra·giparang, dol 8 Villange Organisations-na NRLM-ni gita cheque-rangko suale on·aha aro dol 3 SHGs-na Sanction Letter-ko on·aha.
Programme-o Shri P T Passah, Project Director, DRDA, East Khasi Hills, Shri R Kynta, COO, MSRLS aro gipinrangba bak ra·aha.
