SHILLONG: Khasi, Jaintia aro Garo Hills-ni daka rikani, cha·a ringani, wata chengani, sika koani, git ring·ani, chrok mesaani aro dakmesokanirangko mesokna ong·atanggipa Tri Hills Ensemble-ko Sonibar salo, dingtangmancha jatni chrok mesaani, a·dokni jakgitelanina kamko ka·dilanggipa manderangni janggi tangani gimin tarigipa jawilwatko mesokanichi aro bon·kamao git ring·anirangchi nambee matchotataha.
Ia Tri Hills Ensemble-ko Sukrobar saloni a·bachenge salgnina ong·atangahachim aro ia gnigipa aro bon·kamgipa salo jatna an·tangtangko on·kanggipa manderangni gimin tarigipa jawilwat baksana jatni chrok mesaani, jatni gitcham jawilwatrangko mesokani, photorangko mesokani aro uandakgipa dingtang dingtang program-rangkoba ong·atangaha.
Ia program-ko ong·atanio dingtangmancha North East Initiative Department Agency (NEIDA)-ni gita dingtang dingtang susaanirangkoba ong·atangaha aro ia susaanirangko dingtang dingtang skulni chatro chatrirang bakko ra·angtokaha. Ia susaanirango chegiparangna a·dokni Chief Electoral Officer (CEO) FR Kharkongor-ni jakchi boksisrangko suale on·angaha.
Bon·kamo dingtangmancha ‘Songs of Gold’ ine bimingko done ring·salrako ong·atangaha, jeon mingsinggipa Rana Kharkongor-ni demechik sakgni Maphi aro Mana Kharhunai, Lamphang Syiemlieh, Summersalt aro uandakgipa dingtang dingtang git ring·giparang aro dolrang gitrangko ring·e manderangko an·saoatangaha.
