SHILLONG: Re·baenggipa 2023 bilsini Meghalaya Legislative Assembly election-o, adita sal somoirangna skang rim·ako man·gipa Tura-ni MDC aro BJP-ni state vice president Bernard N Marak-ba susagen ine Mongolbar salo BJP-ni dilgipa AL Hek parakataha.
Da·o dipet Marak-ko judicial custody ning·o donkuengachim ine nikna man·a.
Hek-ni parakatani gitade, re·baenggipa bilsini Assembly election-o Tura-ni MDC Bernard Marak-ba South Tura constituency-oni susagen aro da·o dipet North Tura aro South Tura constituency damgnion BJP-na cholrang namenga.
Adita salrangna skangsan ua Marak-ni nokona re·ange uni nokdangni manderangko grongeaha aro South Tura constituency-o BJP-ni membor-rang baksa tom·e chanchirimbaaha ine janapatengon, da·o dipet South Tura constituency-na BJP-ni candidate-ko parakkujaenga ine Hek parakataha.
NPP-chi dilenggipa MDA sorkarini kosako tangka paisa jakkalsretanina aro kamrangko ka·sretanina matnangenggipani bidingo janapatengon, ia sorkarini bil jakkalsretani gimin gimin pilak biaprangon manderangni agangrikanirangko knana man·enga aro re·baenggipa bilsiode sorkarini dingtanganiko niktelgnok ine Hek parakataha.