TURA: 2021-22 bilsini scholarship-rangko da·onan chatro chatrirangna on·kujaengani gimin A·chik Holistic Awakening Movement (AHAM), a·dokni Chief Minister Conrad K Sangma-na sedoatenba, iani bidingo ta·raken am·sandianirangko dakatchina didiataha.
AHAM-ni president George Prince Ch Momin-ni parakatani gitade, 2021-22 bilsini scholarship-rangko da·onan chatro chatrirang man·tokkujaengachim aro iani a·selan an·tangtangni college fee aro dingtang dingtang nanga kamrangna scholarship-rango pangchakna nangenggipa chatro chatrirangde neng·nikanirangko chagrongna nangtokengahachim.
“Cholgri ong·pagipa chatro chatrirangde, an·tangtangni college fee, lekka ki·tap aro gipin nanga kamrangna scholarship-rangon pangchakna nangtokpaengachim indiba 2021-22 bilsini scholarship-rangko da·onan chatro chatrirangna on·kujaengani a·sel scholarship-rango pangchakna nangenggipa chatro chatrirangde neng·nikanirangko chagrongna nangtokengaha,” ine Momin parakataha.
Maini a·sel 2021-22 bilsini scholarship-rangko da·onan chatro chatrirangna on·kujaenga ine sing·doatengon, ia bilsini scholarship-ko ta·raken chatro chatrirangna on·na man·na gita nangchakegipa department-na nanga gita ge·etanirangko on·atchina AHAM-ni president, a·dokni Chief Minister-ko didiataha.
