SHILLONG: Prime Minister, Shri Narendra Modi da·al Sonibar salo video conference gita lak 10 personnel-rangna recruitment drive ‘Rozgar Mela’-ko parakate, sak 75,000 gital appoint ka·giparangna appointment letter-ko suale on·angjolaha. Indake PM, Dhanteras-na nama sikaniko on·ataha.
Indake ong·engon Law and Justice-ni ma·mong minister Shri Kiren Rijiju, Meghalaya Shillong Polo Ground-o ong·atgipa Rozgar Mela-o bak ra·skaha aro jemangan appointment letter-ko man·ahachim, uamangna nama sikaniko on·aha. “Bilsi 2047-ode an·ching India jakgittel man·ani bilsi 100 gapaniko manigen, jemangan da·alo kamo rimnapa man·aha, uamangan mikkangchi Prime Minister Narendra Modi-ni India a·songko tang·doatna nikjumange re·mikkanganiko chu·sokatna kam ka·giparang ong·gen,” ine Minister Rijiju, programme-o bakko ra·miting aganprakaha.
‘Prime Minister Narendra Modi-ni dilanio Northeastern a·jol ba salgro-salaram a·jolo namen tang·doaniko ba dingtanganiko nikna man·engjok, anga ru·uta sal somoirangoni PM baksa kam ka·rimbaenga. Sorkari dilanio bewalrang dingtangjok aro batanggimin bilsi 8-oni border ba sima ari jolrang dingtangaha.”
“Shillong, NE-ni skotong ong·achim, British-ni chasongo uamangan Shillong-ko skotong donaha, maina a·bachengaonin Shillong-o bang·bea cholrangko nikaha, indiba jensalo na·a gipin songjinma ba biaprangona re·ange nion PM-ni dingtanganiko ra·baaniko nikna man·gen. Northeast a·jol ta·raken tang·doenga, an·ching economy-ni hub ba mongsonggipa ong·baenga. An·chingni a·jol bang·bea channa amsokpilgija ong·telaigipa ba man·telaigipa gamrang gnang. Northeast-o songdongiparang dingtang dingtang dakrik-bewalrangko ja·rika, ine Union Minister aganangkuaha.
Rozgar programme-o ma·mong aro a·dok sorkarini official-rangba bak ra·angtokaha
Rozgar Mela-o Union Minister Rijiju, appointment letter-ko suale on·anga
Date:
Share post:
