SHILLONG: East Jaintia Hills a·jani Assam-Meghalaya simao Khasi Students Union (KSU)-ni songe dongipa Inner Line Permit (ILP) check gate-ko Sonibar salo police-rang pe·e galaha.
Ia ILP check gate-ko songani bidingo KSU-ni dilgiparang talate on·angengon, niam gri a·dokona napsrukbaenggipa manderangko nirok sandinasan ong·aigija, ong·gija dakgipa kamrangko nirikkina gitaba ILP check gate-ko kulina nangengachim ine parakataha.
KSU-ni president Lambokstar Marngar-ni parakatani gitade, batanggimin adita jarangni gisepon KSU-ni member-rang, Bangladesh a·songoni niam gri napsrukbagipa adita sak manderangko rim·na man·ahachim.
Niam gri napsrukanirangko mikrakbate nirok sandina nangengaha ine janapatengon, iandake a·dokona niam gri napsrukanirangko sorkari champengna man·jaenga ong·ode an·tangtangan niamko jako ra·e, niam gri napsrukbaenggipa manderangko rim·na kamrangko ka·gen ine Marngar parakataha.