TURA: Robibar salo, Diwali-ko maniani bak gita Tura-ni Dobasipara-o donggipa Border Security Force (BSF) sector headquarter campus-o Diwali Mela-ko ong·atangaha.
Ia Diwali Mela-ko SHQ BSF Tura-ni DIG Harmeet Singh a·bachengate on·angaha aro ia mela-ko ong·atanio Tura-o donggipa BSF battalion-ni sipairang, uamangni nokdangrang aro jolo songdongenggipa manderangba bakko ra·angtokaha.
Ia Diwali Mela-ko ong·atanio BSF-ni sipairang, doka dam·anirangchi manderangko an·saoatangaha aro ia mela-o cha·ani ringani aro ma·manti bosturangko manderangna pale sim·e on·angaha.
Ia Mela-ko a·bachengate on·angani somoio BSF sector headquarter Tura-ni DIG, jinmana aganprakengon, BSF-ni sipairangna, uamangni nokdangrangna aro jolo songdongenggipa manderangna Diwali-ni namgipa skanirangko parakangaha.
