SHILLONG: Meghalaya a·doko chadamberangna kam ka·e cha·ani cholrangko on·jaenga ine Sukrobar salo, sorkarini kosako jegale jinma re·jomaniko ong·atanio, dosgri manderangko doka sata dakgipani gimin talataniko on·angengon, ian kamgri ong·e dongna nangenggipa chadamberangni, an·tangtangni suk ong·gijaniko mesokna dakanisa ong·aha ine Federation of Khasi Jaintia & Garo People (FKJGP)-ni president Dundee Khongsit parakataha.
Chadamberangna kam ka·e cha·ani cholrangko on·jaenga ine sorkariko matnangenba, Sukrobar salo FKJGP dolni gita Motphran-oni Fire Brigade Ground-ona re·jomaniko ong·atangahachim aro ia re·jomanio KSU, RBYF, HNYF aro uandakgipa jolni dingtang dingtang dolrangba bakko ra·angahachim ine nikna man·a.
Indake ong·engon, ia re·jomanio bak ra·gipa manderangko iandake so·sojengjeng ong·atani kamrangko ka·jachina dilgiparang didiahachim indiba mitam chadamberang, sorkarini kamna suk ong·jae iandakgipa ja·kurangko de·aha ine FKJGP-ni president parakataha.
“Jinma re·jomaniko a·bachengna skangan chinga bak ra·gipa chadamberangko tom·tomao re·jomchina gita didiahachim indiba iandakgipa obosta ong·gen ine chinga darangan ka·dongsoani grichim. Ia pilakan maming janggi tangani cholrang dongjae sorkarini kosako suk ong·gija chadamberangni dakanisa ong·aha,” ine Khongsit parakataha.
FKJGP president-ni parakatani gitade, ia re·jomanio bakko ra·gipa chadamberangoni mitamde 2019 bilsionin police-ni kamna senge dongenggipa chadamberang ong·achim aro ia salni bako mitam chadamberangde ka·a chakna amjae iandakgipa ja·kurangko de·aha.
Sorkariko jegale re·jomenggipa manderangni iandake skatang dosgri manderangko doka sata dakani a·sel bang·a manderangan saknaanirangko man·tokahachim aro gari gorangba bewalan nosto ka·ako man·tokahachim.