TURA: Manderangni namgnina sorkarini ra·gate on·enggipa dingtang dingtang scheme aro program-rangni bidingo a·dokni manderangna u·iatna miksonganio sorkarini a·bachengatgipa ‘Citizen Engagement & Communication Program’-ko Budbar salo, a·dokni Chief Minister Conrad K Sangma, Tura-ni District Auditorium-o oprake on·angaha.
Ia program-ko a·bachengate on·angani somoio a·dokni Chief Minister, jinmana aganprakangengon, manderangni namgnina ra·gate on·enggipa dingtang dingtang program aro scheme-rangni gimin a·dokni manderangna agan-talate on·na nanga ine program-o bak ra·gipa official-rangko didiangaha.
Ia Citizen Engagement & Communication Programa-ara manderangna sorkarini ra·gate on·gipa scheme aro program-rangni bidingo ma·siate on·na dakchakani ong·gen ine janapatengon, sorkarini ra·gate on·enggipa scheme aro program-rangni gimin ma·sigenchimosa manderang, an·tangtangna on·enggipa namgnirangko ra·na man·gen ine Chief Minister aganaha.
Garo Hills gimikni sorkari official-rangna didiani kattarangko aganangengon, dingtang dingtang program-rangko ong·atanichi aro block level office-rango see tape donanichi sorkarini ra·gate on·gipa dingtang dingtang program-rangni bidingo manderangna agan-talate on·na man·gen ine Chief Minister parakataha.
“Ma·sie ra·anian mandeni bida budi gita ong·a aro sorkarini a·bachengate on·enggipa dingtang dingtang kamrangni gimin manderangna ma·siate on·na nangchongmota,” ine Sangma aganaha.
Sorkarini ra·gatgipa scheme-rangni bidingo manderangna u·iatchina CM didianga
Date:
Share post:
