Mawkyrwat: Bilsi 2023 general election-na skang dal·bea jagokataniko on·aha. Mawtem Poling Station-oni party dilgiparang, party-o dongen, party candidate Medalsing Lyngdoh-na chakna parakataha.
HSPDP Mawtem Poling Station-ni dilgiparang, batanggimin somoirango HSPDP baksa dongaigenma ba HSPDP-ni MLA aro PHE Minister Renikton L Tongkhar baksa United Democratic Party (UDP)-ona jitgenma iani gimin mamingkon parakatgija jrip dongengachim.
November 4 tariko Mawkyrwat-oni km 2 mang chel·gipa Mawlangwir-o donggipa party office-o meeting tom·aniko ong·atgipao HSPDP-ni dilgiparangko party-o rimchaksopiltaiaha. HSPDP Mawkyrwat Area Unit-ni president Nolipstar Lyngdoh, HSPDP Women’s Wing-ni president Philis Wanniang aro HSPDP candidate-ni dongpaanio paraty-ni dilgiparangko rimchaksoaha.
Indake ong·engon HSPDP Mawkyrwat Area Unit-ni general secretary Wanniang, Mawtem songoni HSPDP dilgiparangko aro chakpagiparangko party baksa donge party-na chakpaanina mittelangaha.
