SHILLONG: Mikkang bilsi 2023 Assembly poll-na skang sakgittam MLA-rang Bharatiya Janata Party-o napnaba gnang, uni gimin a·dokni party unit-na namen kusini ong·a.
BJP Meghalaya president Ernest Mawrie, mni Sukrobar salo kobor ra·timgiparang baksa agangrikmitingo indine aganaha, “sakgittam sitting MLA-rang- East Khasi Hills-oni saksa aro Garo Hills-oni sakgni- mikkang ja December jao party-o napgen aro gipin sakgni MLA-rang baksa agangrikkuenga, uamangba re·baenggipa salrango
BJP-o napnaba donga.”
Indiba Mawrie, MLA-rangni bimingrangkode parakatjaha. Koborni man·ani gitade Trinamool Congress MLA Himalaya M Shangpliang (Mawsynram) aro NPP legislator- Ferlin CA Sangma (Selsela) aro Benedict R Marak (Raksamgre)- uamang December jao BJP-o napgen.
Uandake party-ni gimin parakatengon, ‘BJP, mikkang 2023 bilsini election-o namen dakgen aro bang·bate seat-rangko chegen aro sorkariko rikgen’ ineka·donganiko parakataha.
Indake ong·engon BJP, election-o gimik ge 60 seat-rangon dolsan ong·e susagen ineba aganaha.
Candidate-rangni list-ko parakatani gimin Mawrie, indine aganaha, “Election Commission-ni poll-ni tarikko parakatani ja·mansa application-ko ra·chakgen. Aro January jao candidate-rangni skanggipa list-ko parakatgen.”
Miknggipin BJP central -oni dilgiparang, election-ni chu·gimik kamrangko nirokna sakgittam memborni panel-ko songataha. Assam-oni BJP dilgiparangba Meghalaya a·dokona party-ni organisational aro gipin kamrangko nirokegen.
