AMPATI: Sorkarini a·bachengate on·gipa dingtang dingtang scheme aro program-rangni bidingo songni nokni manderangna ma·siate on·na gita South West Garo Hills a·jao Citizen Engagement & Communication Programme (CECP)-ko a·bachengataha aro ia program-ni ning·o dingtang dingtang department-rang, songni nokni manderang aro dingtang dingtang dolrang baksa block-ni gadango tom·aniko ong·atangaha.
Skanggipa tom·aniko re·anggipa Budbar salo, Rerapara C&RD Block-ni ning·o donggipa Lower Damalgre LP School-o ong·atangaha aro ia tom·anio songni nokni manderang bakko ra·angenba, dingtang dingtang scheme-rangni bidingo officer-rang baksa agangrikna cholrangko man·aha.
Mikkangchi ia apsan dakgipa tom·ani aro program-rangko South West Garo Hills a·jani damgittam block-rangoba ong·atanggen aro manderangni chanchianirangko sorkari officer-rang see ra·anggen ine u·iataha.
Ia CECP-ara, sorkarini ra·gate on·gipa dingtang dingtang scheme aro program-rangko songadam nokadamrango donggipa manderangona sokatna gita sorkarini a·bachengatgipa sal 50-ni program ong·a aro ia program-ko adita salrangna skangsan, a·dokni Chief Minister Conrad K Sangma a·bachengate on·ahachim.
Ia CECP-na dingtangmancha district level committee-rangkoba songaha aro ia committee-o deputy commissioner-rang chairman ong·e, dingtang dingtang department-ni officer-rang membor ong·e kamko ka·skaengachim.
South West Garo Hills a·jaoba ia district level committee, re·anggipa Budbar salo apsan tom·e, sal 50-na program-rangko ong·atani bidingo chanchirimangaha.
Sorkarini ra·gatgipa scheme-rangni gimin ma·siate on·na SWGH-o CECP-ko a·bachenga
Date:
Share post:
