SHILLONG: Re·baenggipa 2023 bilsini Assembly election-o National People’s Party (NPP)-ni national president aro a·dokni Chief Minister Conrad K Sangma, constituency damgnioni susajanaba gnang.
Koborrangko man·soani gitade, a·dokni Chief Minister, re·baenggipa 2023 bilsini Assembly election-o South Tura constituency aro Selsella constituency-oni Susana miksongengachim indiba Selsella constituency-o MDC Arbinstone Marak-ko susaatna miksonganirang dongengani gimin Chief Minister, Selsella constituency-onide susajawa ine NPP-oni koborko on·skaaha.
Sangma-ni nokdangna nambatgipa constituency-de Rongjeng constituency-sa ong·engachim indiba Rongjeng-o NPP-ni MDC Jim Sangma dongkuengani gimin ua Rongjeng constituency-oniba susana nangnikjaenga ine kobor on·timgiparang parakataha.
Constituency damgnio chief minister-ni susaani bidingo NPP-ni gisepo maming chanchirimaniba da·o dipet dongkuja ineba kobor on·aha.
“Bernard Marak-ni mingsingbaroroenganiko a·dokni Chief Minister Conrad Sangma ma·siengani gimin Tura-o man·jana gita kenenga. Ia election-o Tura-ni manderang, NPP sorkariko ra·galsrangna tik ka·enga,” ine adita salrangna skang, Tura-ni BJP MDC Bernard Marak-ko pattokoniko watpilani ja·man, BJP-ni state president Ernest Mawrie parakatahachim ine nikna man·a.