Bajengdoba PHC-o sam gitchamko on·enga ine matnanga

TURA: Community health centre (CHC)-ona ra·doatako man·enggipa Bajengdoba primary health centre (PHC)-o expired ong·gimin ba dongimin tarik batgimin samrangko saenggipa manderangna on·enga ine Bajengdoba-ni Matgrik Do·mesal dol matnangatenba, iani bidingo ta·raken ja·kuko de·china North Garo Hills a·jani district health & medical officer-ko didiataha.
Matgrik Do·mesal dolni president Metro S Bangshall-ni parakatani gitade, Bajengdoba aro uni wilwilao songdongenggipa manderangko sangipa health centre, Bajengdoba-o ia damsamangmang PHC-san dongaiachim aro songni nokni manderang pilakan, ia PHC-o ka·donge sanna bananirangko ra·tokpaengachim.
Indake ong·genchimoba, ia PHC-o somoi batgimin samrangko on·aniara songni nokni manderangna kenchakna nangani ong·chongmotenga ine Matgrik Do·mesal-ni president, suk ong·gijaniko parakataha.
Ia Bajengdoba PHC-ko CHC-ona ra·dona gita adita salrangna skangsan, a·dokni Health Minister James Sangma-ni jakchi pangchakaniko songe on·angahachim ine nikna man·a.

Get real time updates directly on your device, subscribe now.

Comments are closed.