SHILLONG: November 22 tariko Mukroh songo ong·gipa obostani gimin name am·sandie tale report-rangko on·china, National Human Rights Commission, Assam aro Meghalaya sorkariko aganangaha. Indake a·dok ge·gnini authority-rangan iani bindingo report-rangko antibrini gisepo on·a gita nanggen.
Indake Commision, TMC-ni national spokesperson-ni badi ka·gipa chittini copy ba segatgimin chittiko ta·raken authority-rangna on·ate antibrini gisepon reportr-rangko on·a aganchina, uamangni Registry-ko ge·etangaha.
Batanggimin salo a·dokni Chief Minister Conrad Sangma, NHRC-ni Chairman Justice (retd) AK Mishra-ko gronge, Mukroh-o ong·a obostarangni gimin agan talate on·aniko dakangaha.
Gronggrikanio ua Mukroh-o a·sel ong·e sak 6 ramram manderangni siani mamla chu·gimikko agan talate on·anganiko dakaha.
Chief Minister-ni aganani gitade, Mukroh-o ong·a a·selra human right-ni kosako rake chakatani ong·a aro iani a·selan obostako talbate masina gita central agency-rangna pakwatanikoba dakaha.
Conrad Sangma apsan daken, NHRC-ko dakchakaniko on·e uamangni nangnikani gita kamrangko ka·chinaba aganangaha. Unbaksana ramram manderangni janggirangko chelchakna gita sima ari jolrango nambatgipa chelchakanirangko on·chinaba ua agananiko dakangaha.
Mukroh-o ong·gipa obostani report-ko on·china M’laya, Assam-ko NHRC-ko agana
Date:
Share post:
