SHILLONG: Mijal salni bako, “Save Hynniewtrep Mission” ine jegalaniko dakenggipa pressure group-rangni membor-rang baksa police-rang, Chief Minister official residence (Goodwood Bungalow) ba dongram biapo nanggrikangaha.
Koboro parakatani gitade, pressure group-rangni mandeni bimangko tarie ra·bagipako, SP (City), Vivek Syiem-ni saksa memboroniko ra·sekani ja·mano pressure group aro police nanggrikna gita a·bachengaha.
Pressure group-rangni memborrang ranggiktik, CM-ni dongram biapni cholgugao, Union Home Minister, Amit Shah, Chief Minister, Conrad K. Sangma aro Home Minister, Lahkmen Rymbui mangni bimangko tarie sona jinma tom·aniko dakaha.
Indiba pressure group-ni dilgiparang an·tangtangni memborrangko ka·sinatna rake kamrangko ka·na gita nangaha. Indiba kajia golmal ong·ani uanon bon·aijaha. Apsan daken Polo donggipa Orchid Hotel mikkango bimangrangko tarie soanioba, police aro pressure group-rang baksa nanggrikaha.
Koborrangko parakatani gitade uamangni ka·o nange jegalaniko dakengmitingo police-rangni gypsy ge·gni uamangko re·pakangani a·sel pressure group-ni membor-rang bate ka·o nangaha.
Indake kajia golmal ong·aniko ka·sinata kamrangko ka·engmiting somoioba pressure group-ni membor-rang, SP-ko tope jegalanirangko dakaha.
Pressure group-rangni memborrangni aganani gitade uamangni rake jegalenganiko police-rangni champengna jotton ka·ani giminsa uamang police-rang baksa nanggrikna gita nangenga.
Pressure group aro police-rang, Chief Minister-ni dongram nok mikkango nanggrika
Date:
Share post: