TURA: Tura-o donggipa Akonggre Government Lower Primary skulni gital nokko Budbar salo, a·dokni Chief Minister Conrad K Sangma, nokdonggae on·angaha.
Ia skul nokko rikna gita a·dok sorkari, ia bilsini gisepon gong lak 37 tangkarangko chame on·ahachim aro ia skul nokko adita salrangna skangsan rikmanahachim.
Ia Akonggre Govt LP skulko 1961 bilsio kulichengahachim aro ia skulko bilsi 61-na chalaianio bang·en officer-rangko, skigiparangko aro gipin kam ka·giparangko ong·katatna man·aha.
Ia gital skul nokko nokdonggae on·ani somoio a·dokni Chief Minister, jinmana aganprakangengon, songsalo lekka porani gamchatgipa ong·ani gimin aganangenba, lekka porako tang·doatna gita ia sorkari rake kamko ka·enga ine parakangaha.
Ia skul nokko nokdonggae on·angani somoio jinmana aganprakanggipa gipin manderangara, Tura-ni SDSEO Samuel Marak, Akonggre gittimni Nokma Rakkan M Sangma, Akonggre Govt LP skulni Headteacher Hejillina T Sangma aro Akonggre Govt LP School-ni President Rajesh M Momin ong·a.
Iana skang, Akonggre Baptist Mondolini Pamong Benben K Marak, ia gital skul nokna Nokgipa Isolko mittelpilangaha.
