SHILLONG: Meghalaya a·doko kal·susagipa manderangko dakchakna gita Sukrobar, Sports Scholarship Scheme-ko a·dokni Chief Minister Conrad K Sangma, U Soso Tham Auditorium-o a·bachengate on·angaha aro ia scheme-ko a·bachengate on·angani somoio, adita salrangna skang ong·atanggipa North East Olympic Games-o medal-rangko chee a·dokna rasongko ra·bagipa manderangna aro coach-rangnaba mande ra·pilskaaniko dakangjolaha.
Ia Sports Scholarship Scheme-ko a·bachengatanio a·dokni Chief Minister, jinmana aganprakangengon, dingtang dingtang kal·susaanirango chegipa a·dokni manderangna tangka paisani gita dakchakanirangko on·na ia scheme-ko a·bachengataha aro ia scholarship-ko uamangna jaantian uamangni account-rango chipe on·anggen ine parakataha.
“Ia scholarship scheme-ara joltango aro a·songni gita kal·susaanirango chegiparangna jaanti tangka paisani gita dakchakanirangko on·na a·bachengatgipa scheme ong·enga aro ian kal·susaanirango gisik nanggiparangko kal·susaanirango namdapatna miksonge ra·gatgipa scheme ong·a,” ine Chief Minister parakataha.
Ia scholarship-ko adita salrangna skang ong·atanggipa North East Olympic Games-o medal chegipa manderangnaba on·anggen ineba Chief Minister parakataha.
Ia program-ko ong·atanio gimik sak 188 kal·susagiparangna aro sak 54 coach-rangna Chief Minister-ni jakchi mande ra·pilskaaniko dakangaha.
