TURA/BAGHMARA: A·gilsakni gipin biaprango gitan West Garo Hills aro South Garo Hills a·jani headquarter-rangoba International Day of Persons with Disabilities ba be·enni gita cholgri ong·gipa manderangni salko Sonibar salo maniangaha.
Tura-o ia salko Montfort Centre for Education-o maniangaha aro ia manianio West Garo Hills a·jani Deputy Commissioner Swapnil Tembe, mongsonggipa sokgipa ong·e bakko ra·angaha.
Tura-o ia program-ko District Social Welfare Office, District Legal Services Authority (DLSA) aro Montfort Centre for Education baksa nangrime ong·atangaha aro ia program-ko ong·atanio West Garo Hills a·jani Deputy Commissioner, jinmana aganprakengon, be·enni gita cholgri ong·gipa manderangna an·tangtangko on·kange kam ka·enggipa skigiparangko mittelpilangaha.
Be·enni gita cholgri ong·gipa manderangna sorkarini on·enggipa dakchakanirangchi District Administration aro District Social Welfare Office-ni gitaba dakchakanirangko on·skagen ineba ua parakataha.
Be·enni gita cholgri ong·gipa manderangna 4 percent job reservation donga ine janapatengon, be·enni gita cholgri ong·anichi an·tangtangni changa sapanirangko champengataigija, janggi tangani cholrangko dake ra·china gita Tembe didiangaha.
Ia tom·anio Tura-ni District Social Welfare Officer Hemaritha Ch Sangma-ba jinmana aganprakangengon, Social Welfare department-o man·enggipa dingtang dingtang scheme-rang, jekai Scholarship scheme, uniform & Book grant, CM Care ine da·o mingskagipa disable pension scheme aro uandakgipa scheme-rangni gimin talate on·angenba, disable pension scheme-ko da·o japrako gong 500-oniko gong 750-ona bariataha aro Class XII pass ka·gipa chatro chatrirangna bilsio gong 12,000/- ka·e on·enggipa Non-Employment Allowance-ba donga ine parakataha.
Apsan daken, South Garo Hills-oba ia be·enni gita cholgri ong·gipa manderangni salko Arapara songo maniangaha aro ia salko manianio Baghmara-ni Judicial Magistrate MKS Shadap, jinmana aganprakengon, be·enni gita cholgri ong·gipa manderangko chel·chakna sorkarini ra·gatgipa dingtang dingtang niamrangni bidingo agan-talate on·angaha.
South Garo Hills a·jao ia salko manianio dongpae jinmana aganprakanggipa gipin manderangara, Baghmara-ni Legal Aid Counsel Dravid G Marak, Social Welfare Case Worker Bansime Marak, Baghmara-ni SDM & HO Dr Sima Celine Sangma, Police officer Respina A Sangma aro Chief Judicial Magistrate DS Marbaniang ong·a.
Tura aro Baghmara-oba be·enni gita cholgri ong·gipa manderangni salko mania
Date:
Share post:
