SHILLONG: Re·baenggipa December 18 tariko Prime Minister Narendra Modi-ni Shillongona re·baani kobor tik ong·aha ine Chief Minister, Conrad K. Sangma Mongolbaro aganaha.
Koborni manderangna aganengon, Pa Sangma indake aganaha je PM Narendra Modi, North Eastern Council-ni golden jubilee maniani programo bak ra·na gita re·baenga.
Prime Minister, minggni programrango bak ra·anggen ine parakatengon, ua Shillongo konta gni gittam mang dongangenba Delhiona bilangpil·gen ine Chief Minister aganaha.
Unomitingo, PM Modi-na chel·chakaniko on·ani bidingo Special Protection Group (SPG) nirokanggen.
