TURA: South West Garo Hills a·jani Thakuranbari songrango, Assam aro uandakgipa gipin biaprangoni re·bae niam gri songdong a·chatokenga aro ia biaprangara Meghalaya a·dok ning·osa ga·akgenchimoba Assam sorkarini on·gipa Jal Jeevan Mission (JJM) aro PMAY scheme-rangko ra·e dongtokenga ine A·chik Holistic Awakening Movement (AHAM) South Western Zone Ampati badi ka·doangaha.
Iani bidingo AHAM-ni dilgiparang, dingtangmancha Meghalaya a·dokni Chief Minister Conrad K Sangma-na badi ka·e sedoataha aro Chief Minister-na seatgipa chittiko uamang, South West Garo Hills a·jani Deputy Commissioner-ni jako on·ataha.
“December-ni 16 tariko chinga Thakuranbari aro Ichakuri songrangona ia songni a·king Nokmarang aro songni manderang baksa re·ange nion, ia songrango Assam aro gipin biaprangoni re·bae niam gri songdong a·chaenggipa gipin jatrangko nikna man·aha. Ia manderango Assam-ni lekkarangba dongani gimin ian uamangko niam gri songdongenggiparang ine sakkiko mesokaniba ong·aha,” ine AHAM South Western Zone Ampati-ni general secretary Wester G Sangma parakataha.
Ia manderang songni Nokmarango sing·cheng sanchenggijasa, ia songrango niam gri songdong a·chatokenga aro Assam sorkarini on·gipa JJM aro PMAY scheme-rangko ia biaprango rikenga ine janapatengon, ia biaprango niam gri songdong a·chaenggipa manderangni bidingo ta·raken am·sandianirangko dakenba, ia manderangni kosako rakgipa ja·kurangko de·china a·dok sorkariko didiataha.
SWGH-o Assam a·dokrangoni niam gri napdrae songdongenga ine AHAM badi ka·a
Date:
Share post:
