TURA: BJP-ni kobor on·timgipa aro Tura-ni MDC Bernard N Marak, Chief Minister Conrad Sangma-chi dilenggipa NDA sorkarini kosako dontonggija matnangatanirango NPP-ni BJP-ko Opposition gita ra·anina aro ma·mongni chamatgipa pilak namroro-silroroani kamrangko chu·sokatjaengani bidingo mijal Sombar salo matnangattaiaha.
“Narendra Modi-ni dilgipa ong·ani ning·o BJP sorkari gong kror 151.9 tangka-paisako Hunar Skill development centre-na on·ataha uarango ge 300 palang donggipa hospital baksa Nursing college, Pharmaceutical college, Para medical college, Skill development centre komibeoba ge 1000 chakgipa me·a aro me·chikrangna hostel-rang aro kam ka·gipa me·chikrangni hostel-rang iarangna man·chapachim. Modi sorkari a·doko jeba project-na bangki dakja. Aroba ge·sanaba bangki government was not given credit for any project in the State. FOCUS, FOCUS+, NLM, YESS etc unageba gipin gipin scheme-rang gita flagship programme-rang NPP-ni scheme-rangona sokbaaha,” Tura MDC aganaha.
Hunar Skill Development project-rangko Tura-oniko Dalmagre-ona aro indaken Chidekgre sepang songadamona ra·angskaanina a·dok sorkariko matnange P.A. Sangma skill development centre ine uko biming mingjitna jotton ka·achim aro ka·taitaiaha, Bernard aganaha.
Chief Minister Conrad Sangma, party youth wingko bilakdapatna YESS tangka-paisako jakkalenga. Garo Hills-o YESS-ni ning·o gong 1,00,000 tangkako songpanggipa chadamberangna on·enga jekon bil gnanggipa chadambe dolrangni gita chadamberangko bak ra·atna chadambe club-rangnasa on·ani ong·achim, Bernard matnangdapaha.
“NPP chadamberangko club-rangko bikotchina aganaha jeon administration mija re·anggipa Sonibar-o biming segatna dakchakaha. Code of conduct-ko ra·gatna skang ua gong 1,00,000 tangkako on·gen ine rural Bank-o dingtangmancha bank account-rangko kulichina uamangko aganaha. Election-mitingo puongiparangko gisik salna ua tangka-paisako political-ni gitasa jakkalskaenga,” sorkari YESS-ni tangka-paisako jakkale, agan-ge·etanirangko pe·aha, ua matnangaha.
