Greater Baghmara Water Supply Scheme-ko CM oprake on·a

Tura: Meghalaya Chief Minister Conrad K. Sangma mijalo South Garo Hills, Baghmarao Greater Baghmara Water Supply Scheme-ko MLA, Rongara-Siju, Rakkam Sangma-ni dongpaanio oprake on·angaha.
Scheme-ko oprake on·ani somoio jinmana aganprakengon, Baghmara town-o donggipa manderangni nangchongmotenggipa kamko sorkarini chu·sokatna man·anina Chief Minister kusi ong·aniko parakaha. Indake ong·engon somoi gita project-ko matchotatna gong·e kam ka·anina ua PHE department-ni official-rangkoba mittelaha.
Greater Baghmara Water Supply scheme-na rika-cho·aniko March 2021 bilsionin a·bachengaha, jekon December 2022 bilsio korosna chamsogimin gong kror 63.50 tangkarangchi matchotataha.
Ia project-ko, North East Special Infrastructure Development Scheme-ni ning·o chamataha aro Baghmara town-o songdonggipa sak 41,000 na batpilgipa manderang ia scheme-ni namgniko man·gen.
Chief Minister, South Garo Hills district-ona songrengani somoio Housing Middle Income Group Building aro New Circuit House Building-koba Circuit House, Baghmarao chongipa tom·aniko ong·atenba nokdonggae on·aha.
Mongsonggipa town jilarango aro district-rango namgipa nokrik-nokdakanirangko nanga, ian South Garo Hills-ni manderangni gam ong·aha, jeon bang·a manderang iarangni namgniko man·gen.
Unaskang pringchibarao, Chief Minister also inspected the water treatment plant at Lotnagar village, Baghmara-o tarigipa water treatment plant-koba Chief Minister re·ange nirokeaha.