SHILLONG: Chief Election Commissioner (CEO) Rajiv Kumar-chi re·dilbanasienggipa Election Commission of India (ECI)-ni sak 16-membor dol, January 12 tariko Tripura-oni songjinmaona sokbagen ine Meghalaya-ni Chief Electoral Officer (CEO) Frederick R Kharkongor, The Shillong Times songbad-na aganaha.
ECI dol, CEO, Election department-ni official-rang, deputy commissioner-rang aro pilak district-rangni superintendent police baksa uamangni sokbaani salo chanchirimanggen, Kharkongor aganaha.
Salgipino Nagaland-ona re·angna skang January 13-o ECI team, chief secretary, police-ni director-general aro sorkarini a·gipi official-rang baksaba chanchigrikangtaigen.
Delhi-ona re·angpilani ja·mano, commission, Tripura, Meghalaya aro Nagaland-na election-rangni sal-tariko parakatna ka·dongsoenga jekon February jao ong·atna manchienga.
February-ni gnigipa antina skang election-rangko ong·atna ECI miksongenga maina Central Board of Secondary Education (CBSE), Class X aro XII-ni porikkako February 15-oni ong·atna parakatmanaha.
Indake ong·engon, election-rangko ong·atanirango dakchakna gita a·dokona central armed parliamentary forces (CAPF)-ni 30 company-rangko watatmanaha, Kharkongor aganaha.
CEO-ni aganani gita, election-rangna central armed police forces-ni 119 company-rangko watatako a·dok nangnikaha.
“Ge 782 polling station-rang aro 402 kenani donggipa polling station-rangko ma·sie Central armed police forces-ni 119 company-rangko chinga watatako am·aha,” ua aganaha.
