Congress, bon·kamgipa candidate-rangni list-ko nakatata

SHILLONG: Meghalaya a·doko assembly-na lekka puonani ong·na siengna Meghalaya Congress party candidate-rangni bon·kamgipa list-ko nakatataha.
Congress party-ni bon·kamgipa candidate-rangni list-o sak 5 candidate-rangni bimingko mingdapangaha.
Sak 5 candidate-rangko Party-ni Central Election Committee-ni gita ra·chakangaha, ine Meghalaya Congress president aro MP Vincent Pala aganangaha.
Assembly election ong·na sienggipana a·dokni Congress dol Sonibar salo sak 5 candidate-rangni bimingrangko parakdapataha. A·doko lekka puonaniko February 27 tariko ong·atanggen. All India Congress Committee-oni parakatani gitade, Congress candidate ong·e chakatna sienggiparangara, Khliehriat-oni Jhanika Siangshai, Amlarem-oni Arbiangkam Khar Sohmat, Kharkutta-oni Chireng Peter R. Marak, Resupelpara-oni Dr. Tweel K. Marak, aro Rajabala-oni Carla R Marak.
Meghalaya a·doko ge-60 membor-rangni seat-na Meghalaya Congress January 25 tariko lekka puonanina sak 55 candidate-rangni bimingrangko parakatmanaha.
Vote-ko March 2 tariko chananggen.