TURA: Nationalist Congress Party (NCP)-ni gicham MLA Omillo K Sangma, an·tangna kam ka·enggipa sak 38 membor-rang baksa Sombar salo, Bharatiya Janata Party (BJP)-o napangskaaha.
Ia chang Assembly election-o ua, Kharkutta constituency-oni Indian National Congress (INC)-ni tikitchi susana miksongahachim indiba Congress tikitko man·rikjahani gimin ua BJP-o napangskaaha.
Kharkutta constituency-na INC-ni tikitko Chireng Peter R Marak-nasa on·skaahachim ine nikna man·a.
Indake ong·engon, Sangmaaro uni manderangko BJP-ni dilgipa aro Assam Assembly-ni Deputy Speaker Numal Momin, BJP Meghalaya-ni state president aro Tura MDC Bernard N Marak baksana BJP-ni dilgiparang, BJP-ona rimchaksotokaha.