Sunday, July 13, 2025
spot_img

BJP, sak 60 candidate-rangni bimingrangko parakata

Date:

Share post:

spot_imgspot_img

SHILLONG: Re·baenggipa state assembly election-na sak 60 candidate-rangni bimingrangko BJP-ni parakatanina Meghalaya-ni political party-rang jajrengsoaha.
Ian skanggipa changna gitchakmrangni party, a·dokni gimik ge 60 constituency-rango candidate-rangko seokaha.
List-ni gita, party-ni president Ernest Mawrie West Shillong-oni susagen, sakgni da·o ong·enggipa MLA Al Hek aro Sanbor Shullai-mang ticket-ko man·aha. Apsan daken gitcham IPSa officer M Kharkrang jean re·anggipa bilsio BJP party-o napahachim, uaba North Shillong-oni BJP-ni ticket-ko man·aha. Garo Hills-ni BJP  senior dilgipa Bernard Marak-ba Chief Minister Conrad Sangma baksa bil tosusae dakgrikna  ticket-ko man·aha.
Gimik dilgiparang jemangan an·tangtangni political party-rangko wate BJP-o napahachim, uamangba party-ni ticket-rangko man·tokaha.
HM Shangpliang jean TMC-ko wate BJP-o napahachim ua Mawsynram-oni ticket-ko man·aha, NPP-ni dilgiparang jekai  Benedic R Marak aro Ferlin Sangma ong·achim,  uamangba Raksamgre aro Selsella constituency-ni ticket-ko man·aha. Independent MLA, Samuel Sangma jean Bristibaro MLA ong·aoniko kam watahachim, uaba  ticket-ko man·aha.
Sakgipingipa NPP-ni dilgipa MM Danggo jean re·anggipa konta 48 mangmango    kamko watahachim, uaba BJP-o napani ja·man Ranikor-ni ticket-ko man·aha.
A·dokni BJP aro ma·mongni dilgiparang Khasi Hills-ni mitam biaprango jekai Jirang, Mawshynrut aro Rambrai Jyrngam constituency-rango Garo candidate-rangko seokaha.
Indiba party Spasterlin Nongrem-ko Rambrai Jyrngam-na, Bijoy Kynter-ko  Mawshynrit-na aro  Riya Sangma-ko Jirang constituency-na seokaha.

spot_imgspot_img

Related articles

Sorkari, kamtangko ka·na chu·sokjaode sakgipinna pakwatbo: VPP

SHILLONG: Voice of the People Party (VPP)-ni chief Ardent Miller Basaiawmoit, NPP-chi dilenggipa sorkariko kamtangko name dake ka·na...

Chokpot jolni neng·nikarangko namatna CSO, songni dilgiparang bakrima

SHILLONG: Ramani obostarang namjani bidingo, gipin jatrangko songrangona skatang napna on·engani bidingrango sorkariko nirokatchina gita Civil society organisation,...

Sitharaman, Meghalaya-ni $30 economy-ona sokna re·mikkanganio dakchakna agana

SHILLONG: Ma·mongni Finance Minister Nirmala Sitharaman, Meghalaya a·dokni Health sector-o namen tang·doaniko nike de·mittelaha. Mongsongbate Meghalaya-o Maternity Mortality...

Game ge·e cha·giparangko bilakdapatna IPDM training-ko ICAR-KVK ong·ata

TURA: ICAR - Krishi Vigyan Kendra (KVK), West Garo Hills, Dalu Block-ni Marapara songo NICRA project-ni ning·o method-ko...