SHILLONG: North Shillong constituency-na susaatna gita party tikitko on·anio meligrikna man·jaengon, BJP bon·kamao gitcham IPS officer M Kharkrang-kon party official candidate dake seokaha.
Indakeba nikatna man·a je North Shillong constituency-oni party tikito susana gita sakgni manderang dorgastoko on·ahachim, indiba bon·kamao BJP, party-ni ku·wattimgipa M Kharkrang-kon seokaha.
Shillongo koborni manderangna aganengon, uo ka·dongna man·aniko donani gimin M Kharkrang, Ma·mong dilgiparangko mittelaha aro uni constituency party-ko bilgriatna on·jawa aro cheaniko man·na gita ua jedakeba kam ka·gen ine aganaha.
Ua namdapatani a·bakuko ra·e re·mikkanggen ine aganengon, BJP-ni sason ka·gipa pilak a·dokrangon namroro-silroroaniko nikna man·a ine Kharkrang aganaha, indake ua party-ni gipin dilgiparang baksa ianoba apsankon dakgen, ua agandapaha.
Law and Order kim·kimjaode darang a·dokba namroro-silrorona man·ja, uni kam ka·na miksonganide uan education, healthcare, employment aro security-ni bidingo ong·enga, Kharkrang aganaha.
Constituency-o sawa bilakbatgipa candidate ong·gen ine sing·gipanade ua aganchakna jechakaha, ua constituency-ni candidate sakantikon dal·e ra·a ine Kharkrang aganaha.
AICC-ni, BJP-ko neng·nikaniko ra·bagipa ine agangipani gimin sing·on, uan Congress-ni ong·gija chanchianisan ong·aia aro BJP-ni somoio bang·a bobil dolrangko tom·tomaniona agangrikaona rimbana man·aha aro bobil dolrang mangba komiangaha ine Kharkrang aganaha.
Kharkrang-ni aganani gitade, BJP-de jat basegipasa ingipakoba gimaatna man·engaha aro BJP-sa namroro-silroroaniko ra·bana man·gipa ine manderangko ma·siatna man·aha.
“Jatantion namgijagipa dolrang dongaia aro party, uamang baksa ong·ja,” Kharkrang aganaha.
Nanggrikaniko bon·ate BJP, North Shillongo Kharkrangna tikit on·a
Date:
Share post:
