Wednesday, February 21, 2024

Election-ni ja·man Mukul, BJP-o napna miksongenga: Tynsong

Date:

Share post:

spot_img

SHILLONG: Meghalaya Assembly election-ni ja·man Trinamool Congress (TMC) Meghalaya-ni dilgipa Mukul Sangma, gipin dilgiparang baksa Bharatiya Janata Party (BJP)-o napskana miksonganirang dongenga ine Bristibar salo, National People’ Party (NPP)-ni national vice president aro a·dokni Deputy Chief Minister Prestone Tynsong a·kangataha.

Iani bidingo NPP-ni national president aro a·dokni chief minister Conrad K Sangma, Adokgre-o NPP-ni election rally-ko ong·atanion chinko mesokatahachim ine janapatengon, “Anga an·tangba ia apsankon agantaigen, maina election-ni ja·man Dr Mukul, an·tangni manderang baksa TMC-ko wate BJP-o napskana miksonganirang dongenga,” ine Tynsong parakataha.

“Uamangni tarisamsoanirangko anga name ma·sija indiba uamang dambri ba dambonga seat-rangko chegenchimoba gimikan BJP-o napangna miksonganirang donga,” ine NPP-ni dilgipa aganaha.

TMC-ni dilgipa Mukul Sangma, ja·samsako TMC-o aro ja·samsako BJP-o donenga ine matnangatengon, uni miksonganian manderangni gisepo dingtanggrikaniko ra·bana miksonganisa dongenga ine Tynsong, uni kattarangko bebera·jachina a·dokni manderangko didiataha.

“Ua je somoioba je biapoba chokonani cholrang dongaia. Dr Mukul an·tangba ma·sienga uamang bang·e seat-rangko chejawa,” ine Tynsong aganaha.

Martin M Danggo-ni NPP-ko wate BJP-o napangani gimin janapatskaengon, BJP-ni dilgiparang, NPP-ni candidate-rangko rime katna jotton ka·enga ine NPP-ni national vice president matnangataha.

BJP-ni dilgiparang ku·rangchi aganna aro matnangana agrede mamingba dongja ine janapatengon, iani a·selan BJP-ara bangbanggipa me·dik gitasa ong·e gam·tengtengenga ine Tynsong matnangataha.

“BJP gride darangba sorkariko rikna man·jawa ine aganna namen altubea aro iako NPP-ba aganna man·aia. Iani giminsa bangbanggipa me·dikrangan gam·bata ine manderang agantoka,” ine Tynsong parakataha.

spot_img

Related articles

Bob’s Banter

By Robert Clements Just Plain Coffee Thoughts..! Was wondering whether to write on politics or plain humour, when I found...

Reflections on a Sojourn

By Albert Thyrniang This writer had taken a halt from the pen. It was intentional. When on vacation mode...

5-Day Nishtha session on inclusive education

Shillong, Feb 20: The 5-day Nishtha programme on Equitable and Inclusive Education was inaugurated on Monday, February 19,...

Sima jolrango songdongenggiparangko chel·chakchina M’laya sorkariko didia

SHILLONG: Assam aro Meghalaya a·dokni gisepo meligrikna man·jaenggipa sima jolrango, Assam sorkari aro Assam a·doko songdongenggipa manderangni jakchi...