TURA: Re·baenggipa February 27 tariko ong·atna sienggipa Meghalaya Legislative Assembly election-na a·dok gimikon dingtang dingtang political dolni aro Independent candidate-rang, nomination-rangko file ka·chichatokengahaon, Garo Hills-ni dambonga a·jarangoba brigipa salo dingtang dingtang candidate-rang, nomination-rangko file ka·angtaiaha.
Koborko on·ani gitade, Sukrobar salo, South West Garo Hills a·jao sakgittam candidate-rang, an·tangtangni nomination-rangko file ka·angaha aro uamangara Indian National Congress (INC)-ni Sayeedullah Nongrum aro Uttora G Sangma baksana National People’s Party (NPP)-ni Stevie M Marak ong·a.
INC-ni Sayeedullah Nongrum, 54-Mahendraganj constituency-o susana gita nomination-ko file ka·aha aro INC-ni sakgipin candidate Uttora G Sangma, 53-Ampati constituency-oni susana gita nomination-ko file ka·angskaaha.
NPP-ni candidate Stevie M Marak-ba Ampati constituency-oni susana gita apsan salon, an·tangni nomination-ko file ka·angaha.
North Garo Hills a·jaoba INC-ni candidate sakbri ia apsan salon nomination-ko file ka·angaha aro uamangara, Kharkutta constituency-na Chireng Peter R Marak, Mendipathar constituency-na Timjim K Momin, Resubelpara constituency-na Tweel K Marak aro Bajengdoba constituency-na Brigady Napak Marak ong·a.
West Garo Hills a·jaoba Trinamool Congress (TMC)-ni candidate sakgni, apsan salon nomination-ko file ka·angaha aro uamangara, Rajabala constituency-na Dr Mizanur Kazi aro Phulbari constituency-na SG Esmatur Mominin ong·a.
Ia apsan salon West Garo Hills a·jao NPP-ni candidate sakbri chong·motan, Raksamgre constituency-na Limison D Sangma, Tikrikilla-na Jimmy D Sangma, Selsella-na Arbinstone B Marak aro Gambegre constituency-na Rakesh A Sangma-ba nomination-ko file ka·angaha.
Ia apsan salon West Garo Hills a·jao, United Democratic Party (UDP)-ni candidate Bipul Ch Sangma-ba Rangsakona constituency-oni susana gita nomination-ko file ka·angaha aro Independent candidate sakgni, chong·motan Diraj D Marak baksana Kennethson Sangma-ba nomination-rangko file ka·angaha.
Koborko man·soani gitade, East Garo Hills a·jao United Democratic Party (UDP)-ni candidate Andreash G Momin, Rongjeng constituency-oni susana gita ia apsan salon, an·tangni nomination-ko file ka·angaha.
South Garo Hills a·jaoba Nathawal S Marak, Baghmara constituency-oni Independent candidate ong·e susana gita Sukrobar salon, an·tangni nomination-ko file ka·angaha ine kobor on·aha.
Comments are closed.