SHILLONG: COVID-19 sajinmani somoio gong kror 803 tangkarangko jakkalsretgipa manderangni kosako a·dokni manderang sing·dona nanga aro ia tangkarangko jakkalsretgipa manderang talataniko on·na nanga ine Mongolbar salo, North Shillong constituency-oni United Democratic Party (UDP)-ni candidate ong·e susaenggipa Dr Aman War parakataha.
Re·baenggipa February 27 tariko ong·atenggipa Meghalaya Legislative Assembly election-o North Shillong constituency-oni susana gita nomination-ko file ka·angani ja·man kobor ra·timgipa manderang baksa agangrikengon, COVID-19 sajinmana Directorate of Health Services (MI)-ni gita koros ka·aniara gong kror 248-san ong·aiachim aro iako Assembly session-onaba ra·angahachim ine Health Services (MI)-ni gitcham Director Dr Aman War parakataha.
“COVID-19 sajinmani somoio gong kror 803 koros ong·atgipa manderangko an·ching sing·doani somoi ong·aha,” ine ua aganaha.
COVID-19 sajinmani ja·man ua man·e cha·bataha ine Congress dolni matnanganirangna aganchakaniko on·angengon, indide uni bilsi 30-na kam ka·anio ua maming tangka paisarangko chimongjahama ine Dr War sing·doataha.
2020 bilsio Meghalaya a·dokonaba COVID-19 sajinmani sokbaonin Dr Aman War, Health Services (MI)-ni Director ong·e sabisiko warachakna kamrangko ka·dilahachim ine nikna man·a.
COVID-ni tangkarangko jakkalsretgipa manderang aganchakaniko on·na nanga: Dr War
Date:
Share post:
