SHILLONG: Meghalaya a·doko Assembly election-ko ong·atengani gimin Bharatiya Janata Party (BJP)-ni candidate-rangna campaign ka·na gita a·songni Prime Minister Narendra Modi a·dokona re·baenga.
BJP doloni koborko on·ani gitade, a·songni Prime Minister, re·baenggipa February 18 tariko, Tura-ona re·bae BJP-ni tom·bimonganio jinmana aganprakanggen aro ua February-ni 24 tariko Shillong-o road show-ko ong·atanioba bakko ra·anggen.
Union Home Minister Amit Shah-ba February-ni 18 tariko, a·dokni dingtang dingtang biaprangona re·bae, BJP-ni candidate-rangna campaign ka·anggen ine kobor on·timgiparang u·iataha.
Kobor on·timgiparangni u·iatani gitade, Union Home Minister, Raliang, Mawsynram, Ranikor aro Shillong songjinmani dingtang dingtang constituency-rango campaign ka·angnaba gnang.
