SHILLONG: Kristianrangna on·gipa Scheduled Tribe (ST) status-ko ra·galpilchina, RSS-ni dakchake on·enggipa Janajati Dharma Sanskriti Suraksha Manch (JDSSM) dolni dabianiko Congress dol raken jegalataha.
Kristian toromko ra·gipa manderangoniko ST status-ko ra·galpilchina gita JDSSM-ni dabienganiko jegalatengon, ian salgro salaram jolo Scheduled Tribe-rangni ong·baaniko mande ra·gijaniko aro mongsongbate Meghalaya aro Nagaland a·dokrango donggipa Kristianrangni kosako re·aniko mesokani ong·enga ine Congress parakataha.
“Kristianrangni ST status-ko ra·galaniara Constitution-ni Sixth Schedule-o Kristianrangna on·gimin bilko chu·gimik ra·galna miksonganisa ong·enga. Uni gimin salgro salaram jolni Scheduled Tribe jatrangna, uamangni bilrangko ra·galna kenchakanirang dongjana gita kemako bi·china aro ia miksonganiko chu·gimik ra·pilchina chinga dabienga,” ine Congress dolni dilgiparang, kobor setimgiparangna seachi parakataha.
Gipin toromrangoni Kristian pil·anggipa manderangoniko ST status-ko ra·galpilchina dabie ia JDSSM dol, Assam aro dingtang dingtang biaprango jingjengatanirangko dakengachim ine nikna man·a.