TURA: South Garo Hills a·jao sak 200-na baten manderang, Trinamool Congress (TMC)-o napangtokaha.
Koborko on·ani gitade, ia manderangara, Baghmara-ni Independent candidate Kartush Marak-na kamko ka·giparang ong·achim indiba da·o uamang TMC-ni candidate Dr Saljagringgrang Marak-na kamko ka·skana gita TMC-o napangaha.
Ia manderangko gitcham MDC Sengnal Sangma, TMC-ni district president Sirgan Sangma aro gipin dilgiparang, TMC-ona rimchaksoaha.
