SHILLONG: Mongolbar salo, Bharatiya Janata Party (BJP)-ni national president JP Nadda, Meghalaya a·dokni skotong Shillong songjinmaona sokbaaha aro Shillong songjinmani Jhalupara-o ua jinmana aganprakangengon, Trinamool Congress (TMC) aro Indian National Congress (INC) dolrangko matnange aganangaha.
TMC dolni kosako matnange aganangengon, ia dolara manderangko cha·boke ra·gipa, tangka paisarangko cha·e katgipa aro dingtang dingtang ong·gija kamrangko ka·dilgiparangsa ong·a ine Nadda parakataha.
“Uamangan songsalo bak dakgipa aro toromni bimingo politics kal·giparang ong·a. Ia manderangan vote man·na mangmang gipin a·songni manderangko ringrango rimbagiparangba ong·a. Uamangan ia jolrango manderangni ja·rikgipa daka rikanirangko bon·atna sienggiparangba ong·a. Indide iandakgipa manderang na·simang dongna on·genma?” ine Nadda sing·doataha.
Congress dolni kosako matnange aganangkuengon, Congress dolde da·o mamingchiba ong·jaha indiba uamang jedakeba bilo ong·na jotton ka·enga ine BJP-ni national president parakataha.
Tangka jakkalsretani gimin janapatengon, Meghalaya a·doko a·doktangni daka rikanirang donga aro namroro silroroanio a·songni gipin bakrang baksa apsan ong·na sikenga indiba tangka paisarangko jakkalsretengani a·selan dal·roroanio neng·nikanirangko man·na nangenga ine Nadda parakataha.
Meghalaya a·dokko BJP, tangka paisa jakkalsretani grigipa a·dok ong·atgen ineba ua ku·rachakaniko on·angaha.
Meghalaya a·doko gong kror 9-ni dingtang dingtang project-rang baksana North East Special Infrastructure Development Fund-ni ning·o salgro salaram jolo namdapatna gita gong kror 3400 tangkarangko jakkalenga ine janapatengon, “Chinga na·simangna iako on·gen ine maming saloba aganhachim indiba na·simangna rama jal·langrangko on·aha,” ine Nadda parakataha.
M’laya-o jatni daka rikanirangko TMC aro Congress bon·atgen: Nadda
Date:
Share post:
