SHILLONG: Meghalaya Legislative Assembly election-ko re·baenggipa February 27 tariko ong·atengani gimin una skang February-ni 24 tariko, a·songni Prime Minister Narendra Modi, Meghalaya a·dokona re·bagen.
Kobor on·timgiparangni u·iatani gitade, February-ni 24 tariko PM Modi, Tura-o ong·atenggipa jinma tom·bimonganio jinmana aganprakanggen aro apsan salon ua, Shillong songjinmao election campaign-na ong·atenggipa roadshow-oba bakko ra·anggen.
“BJP-ni candidate-rangko bilakbatatna gita election campaign-o a·songni PM Modi, jinmana aganprakanggen aro ua Meghalaya a·doko BJP-ni dilgiparangkoba gronganggen,” ine kobor on·timgiparang parakataha.
Ia bilsio ian PM Modi-ni skanggipa changna Meghalaya a·dokona re·baaniba ong·enga.
Re·anggipa Budbar salosan, BJP-ni national JP Nadda-ba Meghalaya a·dokona re·bae BJP-ni election manifesto-ko oprake on·angahachim.
Uni ja·man, Union Home Minister Amit Shah-ba salgnina Garo Hills-ona wenbae, dingtang dingtang biaprango manderangna aganprakangahachim.