SHILLONG: Batanggimin bilsi bongao Meghalaya Democratic Alliance a·doko bil-sason ka·sretaha ine NPP-ni Conrad Sangma, BJP-ni Bernard Marak aro UDP-ni John Leslee Sangma-maang baksa bilting-biltang susana tarienggipa TMC-ni South Tura candidate Richard M Marak aganaha.
Election-rangni bidingo aganao TMC-ni namgipa ku·rachakanirangchi aro party-ni namgipa kamrangko ka·na ku·rachakani bidingo vote-rangko bang·e man·a ka·dongenga ine Richard aganaha.
MDA-ni batanggimin bilsi bongao bil-sason ka·sretjok, BJP-ni miksong-chanchianirangna manderang mikrakenga aro a·doko ra·chakna man·gijani ong·a, ua aganaha.
“Chinga chena cholko on·enga aro ia election cha·bok-rusiani bidingo dakgrikani ong·enga. Chingni nisan donani cha·bok-rusiani grigipa sorkariko on·ani gimin ong·enga,” Richard aganaha.
Ia bilsio party dunagni seat-rangko ma·gen, a·doko sakantian TMC-ni bilni ning·o bilko man·gen, South Tura-ni candidate ka·donge aganaha.
South Tura constituency-o maming chongmotgipa namroro-silroroani dongja, ua matnangaha.
Jeko uamang dakaha ian manderangna ong·ja MDA on·ako ra·pilgipa sorkari ong·a, Richard aganaha.
