SHILLONG: Ia 2023 bilsini Meghalaya Legislative Assembly election-o gimik sak 36 me·chik candidate-rang susaahaoba sakgittamsan chegipa ong·na man·aiaha.
Ia bilsio seokako man·rikgipa me·chik candidate-rangara, National People’s Party (NPP)-ni Mazel Ampareen Lyngdoh, NPP-ni Santa Mary Shylla aro Trinamool Congress (TMC)-ni Miani D Shira ong·a.
NPP-ni Ampareen Lyngdoh, East Shillong constituency-o chepiltaina man·aha aro TMC-ni Miani D Shira, Ampati constituency-o seokako man·taiskaaha.
NPP-ni Santa Mary Shylla, Sutnga-Saipung constituency-oni susae skanggipa changna seokako man·skaaha. Sutnga-Saipung constituency-o ua, Shillong-ni MP aro MPCC-ni president Vincent H Pala baksa susae chegipa ong·na man·aha.
Batanggimin chang Assembly-o MLA ong·anggipa sakgni me·chik MLA-rang, chong·motan Mahendraganj constituency-ni TMC candidate Dikkanchi D Shira aro Selsella constituency-ni BJP candidate Ferlin CA Sangma, ia chango amako man·rikskaaha.
Mahendraganj constituency-o TMC-ni candidate Dikkanchi D Shira, NPP-ni candidate Sanjay A Sangma-ni jako amako man·rikaha aro Selsella constituency-o BJP-ni candidate Ferlin CA Sangma, NPP-ni Arbinstone Marak-ni jako amako man·rikskaaha.
